თბილისი, 30 ივნისი - Sputnik. საქართველოში 2019 წლის იანვარ–მაისში დარეგისტრირებული დანაშულის რაოდენობა, გასული წლის ანალოგიურ პერიოდთან შედარებით, 19,3%–ით გაიზარდა და დაახლოებით 28,3 ათასი შეადგინა, ნათქვამია საქართველოს შსს–ს ვებ–გვერდზე გავრცელებულ განცხადებაში.
ამ პერიოდში დანაშულის 29,6%–ის გახსნა მოხერხდა.
საქართველოში ყველაზე ხშირად ჩადენილი დანაშაულის ხუთეული ასეთია:
| დანაშაულის სახეობა |
რაოდენობა | ცვლილება+/- |
| ქურდობა | 9 263 | +24,1% |
ოჯახური ძალადობა |
2 378 | +12,1% |
| ნარკოდანაშაული | 2 341 | +36,8% |
| სატრანსპორტო დანაშაული | 1 483 | -1,9% |
| თვითმკვლელობამდე მიყვანა | 993 | +23,2% |
გარდა ამისა, იანვარ–მაისის პერიოდში დაფიქსირდა სამსახურებრივი უფლებამოსილების გადამეტების 127 შემთხვევა, ქრთამის აღების 36 შემთხვევა, სამსახურებრივი გულგრილობის – 28 და სამსახურებრივი უფლებამისლების ბოროტად გამოყენების 38 შემთხვევა.
არსებითად გაიზარდა კომპიუტერული (+177,7%) დანაშაულის რაოდენობა, სამეწარმეო საქმიანობის უსაფრთხოების წესების დარღვევის (+83,3%) და დაშინების (+45,9%) შემთხვევები.
ადრე საქართველოს პრემიერმა მამუკა ბახტაძემ განაცხადა, საქართველოში კრიმინალი არ იზრდება, უბრალოდ, დანაშაულის აღრიცხვა გაუმჯობესდა.
როგორც პრემიერმა აღნიშნა, ადრე პოლიცია ნაკრებად აღრიცხავდა ისეთ დანაშაულებს, რომელთა გახსნის ალბათობა იყო დაბალი.
