თბილისი, 28 ივნისი - Sputnik. 29 წლის ხათუნა ხვედელიანი, რომელიც 3 თვე რეანიმაციაში სიკვდილს ებრძოდა, გარდაიცვალა, წერს მისი მეგობარი სოციალურ ქსელში.
ხათუნა ხვედელიანი 8 თვის ორსული იყო, როდესაც მოულოდნელად პლაცენტის აცლა დაემართა, ამის გამო კი ნაყოფი დაიღუპა.
გარდაცვლილს 3 წლის ბიჭი დარჩა.
„ძალიან ბევრს დაგვწყვიტა გული. ძალიან უსუსურად ვგრძნობ თავს. და ძალიან მენანება ასეთ ლამაზი გოგოს ყველაზე დიდი უბედურება რომ დაატყდა თავს. არ მომეძებნება სიტყვები, რომ რამე ვთქვა“, - წერს მისი მეგობარი სოციალურ ქსელში.
ხათუნა ხვედელიანს 5 სხვადასხვა ოპერაცია გაუკეთდა, თუმცა უშედეგოდ.