ყველა ქალისთვის შვილის მოლოდინის პერიოდი ერთდროულად სასიხარულოცაა და არაპროგნოზირებადიც. ჩნდება ახალი ჩვევები, იცვლება გემოვნება. რაც ადრე სასიამოვნო ჩანდა, ახლა აუტანელია, ან, პირიქით, რაც ადრე ზიზღს იწვევდა, ახლა სასიხარულოა.
ტყუპი
ორსულობის დროს ყველაზე ჭირვეული ტყუპები არიან. ბუნებით ძალზე უზრუნველებს ძალიან დიდი ხანი სჭირდებათ იმ ფაქტის გასაცნობიერებლად, რომ დედა გახდებიან. საბოლოოდ, როდესაც ჩაწვდებიან მომხდარის აზრს, წინააღმდეგობრივი გრძნობებისგან იტანჯებიან. ხშირად ვერ გაუგიათ, კონკრეტულად რა უნდათ. ამ პერიოდში ბავშვის მამას დიდი ძალისხმევის გამოჩენა სჭირდება, რომ გაიგოს, რა მოუტანს სიხარულს მათ რჩეულ ქალს, მომავალ დედას.
ლომი, მშვილდოსანი, თხის რქა
ზოდიაქოს ამ ნიშნებით დაბადებული ქალები უშრეტი ენერგიითა და შრომისმოყვარეობით გამოირჩევიან. მათ ძალიან უჭირთ ორსულობის პერიოდში ცვლილებების მიღება. როგორც წესი, მათთვის კარიერა პირველ ადგილზეა, ამიტომ დეკრეტულ შვებულებაში, ჩვეულებრივ, ბოლო წუთს გადიან. ამასთან დაკავშირებით, ასეთ საპასუხისმგებლო ნაბიჯს, როგორიც ბავშვის გაჩენაა, მხოლოდ მაშინ წყვეტენ, როცა იციან, რომ პატარის მოვლაში ნათესავები დაეხმარებიან.
თევზები, კირჩხიბი
ეს ნიშნები ძალზე სკრუპულოზური და მგრძნობიარე არიან ყველაფრის მიმართ, რაც მათ ირგვლივ ხდება ორსულობის დროს. ახალი სტატუსი მათ აიძულებს, ძალზე მომთხოვნი იყვნენ მეუღლის, ნათესავების, მეგობრების მიმართ. ხანდახან ისტერიკაში ვარდებიან, რადგან ქმრის ყურადღება და მზრუნველობა არ ჰყოფნით. ქმარი კი, თავის მხრივ, დიდი მოთმინებით უნდა აღიჭურვოს, რომ გვერდით დაუდგეს თავის საყვარელ ქალს ამ რთულ პერიოდში.
