თბილისი, 12 მაისი — Sputnik. საქართველოს თავდაცვის ძალების სამხედრო მოსამსახურე, 25 წლის რიგითი ვლადიმერ მახათაძე ვაზიანის საველე წვრთნების ბაზაზე გარდაცვლილი იპოვეს, იუწყება საქართველოს თავდაცვის სამინისტრო.
ვლადიმერ მახათაძე სახმელეთო ჯარების დასავლეთ სარდლობის მესამე ქვეითი ბრიგადის 31-ე ბატალიონის საკონტრაქტო სამხედრო მოსამსახურე იყო.
თავდაცვის უწყება უსამძიმრებს გარდაცვლილის ოჯახის წევრებსა და ახლობლებს.
გამოძიება დაწყებულია სსკ-ის 115-ე მუხლით, რაც თვითმკვლელობამდე მიყვანას გულისხმობს.
ამ ეტაპზე ინტენსიური საგამოძიებო და ოპერატიული ღონისძიებები მიმდინარეობს, აცხადებენ უწყებაში. მომხდარის დეტალები ჯერჯერობით არ საჯაროვდება.
