ყველა უკრაინელმა რუსეთის პასპორტი გამარტივებული წესით შეიძლება მიიღოს

© photo: Sputnik / Stringer / გადასვლა მედიაბანკშირუსეთის და უკრაინის პასპორტები
რუსეთის და უკრაინის პასპორტები - Sputnik საქართველო
გამოწერა
რუსეთის პრეზიდენტმა ხაზგასმით აღნიშნა, რომ როდესაც ლუგანსკისა და დონეცკის ოლქის მცხოვრებთათვის მოქალაქეობის მინიჭების შესახებ გადაწყვეტილება იხილებოდა, ყველაფერი დაწვრილებით იყო გათვლილი

თბილისი, 27 აპრილი — Sputnik. რუსეთს უკრაინის ყველა მოქალაქისთვის პასპორტის გადაცემა გამარტივებული წესით შეუძლია, განაცხადა რუსეთის პრეზიდენტმა ვლადიმირ პუტინმა პრესკონფერენციაზე, იუწყება РИА Новости.

უკრაინის ორი ოლქის მცხოვრებლებს რუსულ პასპორტებს გამარტივებული წესით მისცემენ >>

„ჩვენ არა მხოლოდ ლუგანსკში ან დონბასში მცხოვრებ მოსახლეობას ვაძლევთ გამარტივებული წესით ჩვენი მოქალაქეობის მიღების საშუალებას. ჩვენ საერთოდ ვფიქრობთ, რომ ამგვარი წესით რუსეთის მოქალაქეობა უკრაინის ყველა მოქალაქეს მივცეთ“, - განაცხადა რუსეთის პრეზიდენტმა.

ოთხშაბათს რუსეთის პრეზიდენტმა ხელი მოაწერა ბრძანებულებას უკრაინის ორი ოლქის – ლუგანსკისა და დონეცკის ცალკეული რაიონების მცხოვრებლებისთვის რუსეთის პასპორტების გამარტივებული წესით გაცემის შესახებ.

„ეს არ არის სპონტანური გადაწყვეტილება. სანამ ამ ბრძანებულებას მოვაწერდით ხელს, ყველაფერი დავთვალეთ: ჩვენ პასპორტებზე შესაძლო პრეტენდენტების რაოდენობა, და ამ რიცხვიდან პენსიონრების რაოდენობა - ეს, დაახლოებით, ერთი მესამედია იმ კონტინგენტიდან, რომელიც, ჩვენ ვფიქრობთ, ჩვენ მოქალაქეობაზე პრეტენზიას განაცხადებს“, - განაცხადა პუტინმა.

ყველა ახალი ამბავი
0