თბილისი, 24 აპრილი — Sputnik. აღდგომის დღესასწაულებთან დაკავშირებით 26-29 აპრილს საქართველოს კულტურული მემკვიდრეობის დაცვის ეროვნული სააგენტოს დაქვემდებარებაში მყოფი მუზეუმები და მუზეუმ-ნაკრძალები შეცვლილი გრაფიკით იმუშავებენ, აღნიშნულია კულტურული მემკვიდრეობის სააგენტოს მიერ გავრცელებულ განცხადებაში.
უწყების მიერ გამოქვეყნდა ინფორმაცია მუზეუმებისა და მუზეუმ-ნაკრძალების მუშაობის შესახებ.
უფლისციხის მუზეუმ-ნაკრძალი - არ იმუშავებს კვირას და ორშაბათს - 28-29 აპრილს;
ნოქალაქევის მუზეუმ-ნაკრძალი - არ იმუშავებს პარასკევიდან ორშაბათის ჩათვლით - 26, 27, 28 და 29 აპრილს.
ბორჯომის მხარეთმცოდნეობის მუზეუმი - არ იმუშავებს პარასკევიდან ორშაბათის ჩათვლით - 26, 27, 28 და 29 აპრილს
ფიროსმანის მუზეუმი - არ იმუშავებს პარასკევიდან ორშაბათის ჩათვლით - 26, 27, 28, და 29 აპრილს.
უჯარმის მუზეუმი -არ იმუშავეს კვირას და ორშაბათს - 28 და 29 აპრილს.
გრემის მუზეუმი - აღდგომის დღესასწაულის დღეებში მუშაობს.
ვარძიის მუზეუმ-ნაკრძალი - აღდგომის დღესასწაულის დღეებში მუშაობს.
სწორად ემზადებით აღდგომისთვის? წესები, რომლებიც შესაძლოა არ იცოდეთ >>
უწყების ცნობით, აღდგომის დღესასწაულების შემდგ საქართველოს კულტურული მემკვიდრეობის დაცვის ეროვნული სააგენტოს მუზეუმები და მუზეუმ-ნაკრძალები დამთვალიერებლებს მიიღებენ ჩვეული განრიგით.
მართლმადიდებლური სამყარო აღდგომის დღესასწაულს კვირას, 28 აპრილს აღნიშნავს. სააღდგომო დღეები: დიდი პარასკევი, დიდი შაბათი, აღდგომა, მიცვალებულთა მოხსენიების დღე (აღდგომის შემდეგი ორშაბათი) ოფიციალური უქმე დღეებია საქართველოში.
