პანკისში მიმდინარე მოვლენები თბილისსა და ბათუმში გააპროტესტეს

© Sputnik / Shota Nozadzeსოლიდარობის აქცია
სოლიდარობის აქცია  - Sputnik საქართველო
პანკისის ხეობაში დაპირისპირებისას სამედიცინო დახმარება 40-ზე მეტ ადამიანს დასჭირდა, მათ შორის უმრავლესობა სამართალდამცველია

თბილისი, 21 აპრილი - Sputnik. თბილისში, პარლამენტის წინ სახელწოდებით – „სოლიდარობა პანკისს“ აქცია მიმდინარეობს, იუწყება საზოგადოებრივი მაუწყებლის პირველი არხი.

© Sputnik / Shota Nozadzeსოლიდარობის აქცია
პანკისში მიმდინარე მოვლენები თბილისსა და ბათუმში გააპროტესტეს - Sputnik საქართველო
სოლიდარობის აქცია

პანკისის ხეობაში, მდინარე ალაზანზე მცირე ჰესის „ხადორი 3"-ის სამშენებლო სამუშაოების განახლებას ადგილობრივი მოსახლეობის პროტესტი მოჰყვა. დღეს დილას სოფელ ბირკიანში აქციის მონაწილეებსა და პოლიციას შორის დაპირისპირება მოხდა. აქციის მონაწილეებმა სპეცდანიშნულების რაზმს ქვები დაუშინეს. სპეცრაზმმა კი  შეკრებილების წინააღმდეგ ცრელმსადენი გაზი და რეზინის ტყვიები გამოიყენა. დაშავებულთა შორისაა როგორც ადგილობრივი მოსახლეობის, ისე სპეცდანიშნულების რაზმის წევრები. ვითარება განსაკუთრებით მას შემდეგ დაიძაბა, რაც ხეობაში დამატებითი ძალები იქნა შეყვანილი.

პანკისის ხეობაში დაპირისპირებისას სამედიცინო დახმარება 40-ზე მეტ ადამიანს დასჭირდა, მათ შორის უმრავლესობა სამართალდამცველია.

სასწრაფო დახმარება - Sputnik საქართველო
თელავის საავადმყოფოში აქციაზე დაშავებული 30 პაციენტი რჩება

აქციის ორგანიზატორი ადამიანის უფლებების სწავლებისა და მონიტორინგის ცენტრია.

როგორც აქციაზე  საქართველოს ახალგაზრდა იურისტთა ასოციაციის (საია) წარმომადგენელმა ვახუშტი მენაბდემ განაცხადა, ხელისუფლება არ ითვალისწინებს ადგილობრივების ინტერესებს.

„ეს არის სოლიდარობის აქცია და ამავდროულად, პროტესტი იმ ქმედებების მიმართ, რომელსაც ხელისუფლება იჩენს პანკისის ხეობის შემთხვევაში, ასევე ენერგორესურსებთან მიმართებაში. ის არ ითვალისწინებს საზოგადოების მოთხოვნას ადგილობრივი მოსახლეობის ინტერესებს, ეკოლოგიურ ინტერესებს. დღეს ამას დაემატა ქმედებები, საპოლიციო ძალის გამოყენება, რამაც მთელი ქვეყანა შეაშფოთა. ვფიქრობ, საკუთარ ხალხს ხელისუფლება ამ ენით,  რეზინის ტყვიებითა და ცრემლსადენი გაზით არ უნდა ესაუბრებოდეს“, – განაცხადა მენაბდემ.

მისი თქმით, აქციის ერთ-ერთი მოთხოვნა ეკონომიკის მინისტრის, ნათია თურნავას გადადგომაა.

პანკისში მიმდინარე მოვლენები ბათუმშიც გააპროტესტეს. სოლიდარობის აქცია ევროპის მოედანზე გაიმართა.

სპეცრაზმი - Sputnik საქართველო
პანკისის ხეობას სპეცდანიშნულების რაზმის დანაყოფები ტოვებენ

„ის, რაც პანკისში მოხდა მიუღებელია. ძალადობრივი გზით, მოსახლეობის ნების საწინააღმდეგოდ, საქართველოში არ უნდა შენდებოდეს ჰესები. არც ის არის მისაღები, რომ პოლიციელებზე განხორციელდა ძალადობა”,- განაცხადა აქციის ერთ-ერთმა მონაწილე როინ მალაყმაძემ.

შექმნილი ვითარების გამო დღეს პანკისის ხეობაში ჩავიდნენ  გიორგი გახარია და მინისტრთა კაბინეტის სხვა წევრები. შინაგან საქმეთა მინისტრმა  აქციის მონაწილეებთან შეხვედრის შემდეგ განაცხადა, რომ ჰესი აშენდება მაშინ, როცა მშენებლობას მოსახლეობის 90% დაუჭერს მხარს. ამასთან, მისივე განცხადებით, ყველა ის ადამიანი, რომელმაც პანკისის ხეობაში ფიზიკურად იძალადა შსს-ს თანამშრომლებზე, კანონის შესაბამისად აგებს პასუხს.

პანკისის ხეობაში ჰესის მშენებლობა გასული წლის ივნისში მოსახლეობამ შეაჩერა. პანკისის ხეობაში მესამე ჰესს კომპანია „ალაზანი ენერჯი“ აშენებს. „ხადორი 3“-ის მშენებლობის დასრულება 2019 წლის დეკემბრამდეა დაგეგმილი.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური