თბილისი, 18 აპრილი — Sputnik. სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ქრთამის აღების ფაქტზე გლდანის რაიონის გამგეობის მთავარი სპეციალისტი დააკავეს, ნათქვამია უწყების მიერ გავრცელებულ განცხადებაში.
საქმის მასალებიდან ირკვევა, რომ ბრალდებული თანამდებობრივი ავტორიტეტის გამოყენებით დაეხმარა მოქალაქეს, რომ მოეგო გლდანის მუნიციპალიტეტის მიერ გამოცხადებული ტენდერი, რის სანაცვლოდაც პიროვნებისგან მოითხოვა და ეტაპობრივად მიიღო 1,7 ათასი ლარი.
მომხდარ ფაქტზე გამოძიება დაწყებულია სსკ-ის 338-ე მუხლის პირველი ნაწილით, რაც ქრთამის აღებას გულისხმობს და ითვალისწინებს ექვსიდან ცხრა წლამდე ვადით თავისუფლების აღკვეთას.
