მინსკში ქართულ ენაზე ღვთისმსახურება პირველად შესრულდა

© photo: Sputnik / გადასვლა მედიაბანკშიწმინდა პეტრე და პავლე მოციქულების ტაძარი
წმინდა პეტრე და პავლე მოციქულების ტაძარი - Sputnik საქართველო
გამოწერა
НовостиTelegram
ბელარუსის დედაქალაქში ქართულ ენაზე ღვთისმსახურება მომავალშიც გაგრძელდება

თბილისი, 16 აპრილი - Sputnik. მინსკში, წმინდა პეტრე და პავლე მოციქულების ტაძარში ღვთისმსახურება ქართულ ენაზე პირველად შესრულდა, იუწყება პირველი არხი.

ქართულ ენაზე ღვთისმსახურების ჩატარება ქართული სათვისტომოს, საქართველოს საელჩოს და ბელარუსის მართლმადიდებლური ეკლესიის დახმარებით მოხერხდა.

ღვთისმსახურება ქართულ ენაზე შეასრულა მამა მაქსიმემ, რომელიც ქართველ მრევლს შეპირდა, რომ ტაძარში ქართულ ენაზე წირვა-ლოცვა მომავალშიც შესრულდება.

თბილისი - Sputnik საქართველო
თბილისი მინსკის დღეებს უმასპინძლებს

ბელარუსში საქართველოს საგანგებო და სრულუფლებიანმა ელჩმა ვალერი კვარაცხელიამ და სათვისტომოს წარმომადგენლებმა დამსწრე საზოგადოებას სიტყვით მიმართეს და ხაზი გაუსვეს ღონისძიების მნიშვნელობას. მათი თქმით, ქართულ ენაზე ღვთისმსახურების ჩატარება ხელს შეუწყობს ბელარუსში მცხოვრები ქართველების კიდევ უფრო მეტად გაერთიანების თვალსაზრისით.

საქართველომ და ბელარუსმა დიპლომატიური ურთიერთობები 1994 წლის იანვარში დაამყარეს. 2016 წლის დეკემბერში თბილისში ბელარუსის საელჩო გაიხსნა. პირველი ელჩი მიხაილ მიატლიკოვი გახდა.

კალაძე მინსკში „თბილისობაზე“ მიემგზავრება >>

2017 წლის მარტში საქართველოს მეოთხე პრეზიდენტი გიორგი მარგველაშვილი ბელარუსში ოფიციალური ვიზიტით გაემგზავრა. ერთი წლის შემდეგ კი საქართველოს ლუკაშენკო ეწვია.

ყველა ახალი ამბავი
0