საქართველოს ფეხბურთის ნაკრები შვეიცარიასთან დამარცხდა

© Sputnik / STRINGERსაქართველო-შვეიცარია. ევრო2020-ის შესარჩევი მატჩი
საქართველო-შვეიცარია. ევრო2020-ის შესარჩევი მატჩი - Sputnik საქართველო
გამოწერა
პირველ ტაიმში საქართველოს ნაკრების დაცვა წარმატებით მუშაობდა, მაგრამ მეორე ტაიმში შვეიცარიელებმა ტემპს მოუმატეს და ქართველებმა ორი გოლი გაუშვეს

თბილისი, 23 მარტი — Sputnik. საქართველოს ფეხბურთის ნაკრები EURO-2020-ს შესარჩევი ციკლის პირველ მატჩში თბილისში შვეიცარიის გუნდთან ანგარიშით 0:2 დამარცხდა.

საქართველო-შვეიცარიის საფეხბურთო მატჩზე ბილეთების უმრავლესობა გაყიდულია >>

ორივე გოლი სტუმრებმა მეორე ტაიმში გაიტანეს. 57-ე წუთზე პირველი გოლი გაიტანა სტივენ ცუბერმა, ხოლო საფინალო სასტვენამდე ათი წუთით ადრე - დენის ზაკარიამ.

თამაშის პირველი ნახევარი თანაბარ ბრძოლაში წარიმართა. სტუმრები ფლობდნენ სათამაშო და ტერიტორიულ უპირატესობას და კუთხურების რაოდენობით ჯობნიდნენ, დანარჩენში ვლადიმირ ვაისის აღსაზრდელები ფიფას რეიტინგით მერვე გუნდს არაფერში ჩამოუვარდებოდნენ.

საქართველოს ფეხბურთის ნაკრები ვარჯიშზე - Sputnik საქართველო
საქართველოს ფეხბურთის ნაკრებმა სრული შემადგენლობით ივარჯიშა

სიტუაცია კარდინალურად შეიცვალა შესვენების შემდეგ. შვეიცარიელებმა ტემპს მოუმატეს, ინიციატივა საკუთარ ხელში აიღეს და ქართველმა ფეხბურთელებმა მეტოქეების ტემპს ფეხი ვერ აუწყვეს.

ქართველების დაცვაში პირველმა სერიოზულმა შეცდომამ გოლი გამოიწვია. ცუბერმა შტანგასთან ახლოს დაარტყა და ლორიამ გუნდის დახმარება ვერ შეძლო.  

გატანილი გოლის შემდეგ შვეიცარიელებმა განაგრძეს შეტევები და რამდენჯერმე დაემუქრნენ მასპინძლის კარებს. ერთ-ერთი შეტევა მე-80 წუთზე მეორე გოლით დასრულდა. ემბოლიოს დარტყმა ლორიამ მოიგერია, თუმცა ბურთი მოხვდა ზაკარიასთან, რომელსაც არავინ „ფარავდა“ და „ბორუსიას“ ნახევარმცველმა თითქმის ცარიელ კარში დაარტყა.

გიორგი ქინქლაძე - Sputnik საქართველო
„მანჩესტერ სიტის" ქართველი ლეგენდა დიდ ბრიტანეთში საკუთარ ღვინოს გაყიდის

უპირატესობის მიუხედავად, შვეიცარიელებს დარჩენილ ათ წუთში კიდევ ორი გოლის გატანა შეეძლოთ. მაგრამ საქართველოს ნაკრების მცველებმა - გურამ კაშიამ და ოთარ კაკაბაძემ ძალიან კარგად ითამაშეს.

საქართველოს ნაკრებთან გამარჯვების შემდეგ შვეიცარია შესარჩევ D ჯგუფში ლიდერობს. მომდევნო მატჩს პეტკოვიჩის გუნდი 26 მარტს დანიის წინააღმდეგ საკუთარ მოედანზე გამართავს. ამავე დღეს საქართველოს ეროვნული გუნდი გასვლაზე ირლანდიას დაუპირისპირდება.

ყველა ახალი ამბავი
0