თბილისი, 7 მარტი — Sputnik. თბილისის მერიამ განაახლა პროექტი, რომლის ფარგლებში ყოველ შაბათ–კვირას ღამით დედაქალაქის ქუჩებში ავტობუსები იმოძრავებს, ნათქვამია მერიის ვებგვერდზე გავრცელებულ განცხადებაში.
„ღამის ავტობუსი“ 222 ნომრით 24:00 საათიდან 06:00 საათამდე მეტროსადგურ „ახმეტელის თეატრიდან“ „ვარკეთილამდე“ მოძრაობს.
„ღამის ავტობუსი“ მერიის პროგრამა „ღამის ეკონომიკის განვითარების“ ფარგლებში მუშაობს. პირველი საპილოტე პროექტი სექტემბერში ამოქმედდა და დეკემბრამდე გაგრძელდა.
„ღამის ავტობუსები“ ქალაქის ქუჩებში 8 მარტიდან ერთსაათიანი ინტერვალით იმოძრავებენ. ტარიფი სტანდარტულია და 50 თეთრს შეადგენს.
კალაძემ ხმაურიან ღამის დაწესებულებებს თბილისში ომი გამოუცხადა >>
ღამის თბილისის განვითარება კახა კალაძის წინასაარჩევნო დაპირება იყო და ეს ღამის კულტურული ცხოვრების გამოცოცხლებას და ქალაქის საგადასახადო შემოსავლების გაზრდას ისახავს მიზნად.
