თბილისი, 1 მარტი — Sputnik. მეორე მსოფლიო ომის ვეტერანი, 100 წლის მამაკაცი თბილისში, ვაკის პარკის სამამულო ომის მუზეუმში ხანძრის დროს დაიღუპა, იუწყება ტელეკომპანია Rustavi2.
ცეცხლი მუზეუმის შენობის მეორე სართულზე, ერთ-ერთ ოთახში გაჩნდა. სულ დაიწვა 20 კვადრატული მეტრის ფართობი.
წინასწარი მონაცემებით, 1918 წელს დაბადებული მამაკაცი მუზეუმის შენობაში ცხოვრობდა. ის, სავარაუდოდ, კვამლით გაიგუდა.
სისხლის სამართლის საქმე აღიძრა სსკ-ის მუხლით, რომელიც გულისხმობს ნივთის დაზიანებას ან განადგურებას, რამაც ცეცხლის მოკიდებით ადამიანის სიცოცხლის მოსპობა გამოიწვია. დანაშაული ექვსიდან 10 წლამდე პატიმრობას ითვალისწინებს.
