თბილისი, 28 თებერვალი - Sputnik. თბილისში, თევდორე მღვდლის ქუჩაზე ხანძარი ამ დროისთვის ლოკალიზებულია, იუწყება საზოგადოებრივი მაუწყებლის პირველი არხი.
ცეცხლი საცხოვრებელი კორპუსის მეექვსე სართულზე, ერთ-ერთ ბინაში გაჩნდა.
მომხდარის გამო ძლიერი დაკვამლიანება იყო სადარბაზოში, რის გამოც საცხოვრებელი კორპუსიდან მოქალაქეთა ევაკუაცია განხორციელდა.
შემთხვევის შედეგად არავინ დაშავებულა.
ადგილზე ხუთი სახანძრო-სამაშველო ჯგუფი მუშაობდა.
თუ რა გახდა ხანძრის გამომწვევი მიზეზი, ამ დროისთვის უცნობია.
