თბილისი, 12 თებერვალი — Sputnik. ახალქალაქის რაიონულმა სასამართლომ ირანის მოქალაქე დამნაშავედ ცნო საქართველოში განსაკუთრებით დიდი ოდენობით ნარკოტიკების უკანონო შემოტანაში და მას 18 წლით პატიმრობა მიუსაჯა, ნათქვამია საქართველოს პროკურატურის ვებ-გვერდზე გამოქვეყნებულ განცხადებაში.
ირანის მოქალაქე 2018 წლის მაისში დააკავეს. გამოძიების ინფორმაციით, მან ნარკოტიკები ქვეყანაში თურქეთიდან, „კარწახის" საკონტროლო-გამშვები პუნქტის გავლით შემოიტანა.
ნარკოტიკი მას საკუთარ ტანსაცმელში ჰქონდა დამალული. ეს ნარკოტიკები იყო 26 აბი და ცხრა ნატეხი, რომლებიც ბუპრენორფინს შეიცავდა, 5,4 გრამზე მეტი მორფინი, 3,6 გრამზე მეტი კოდეინი და სხვ.
