თბილისი, 19 იანვარი – Sputnik. ბათუმში ნათლისღების დღესასწაული ზღვის კურთხევისა და მრევლის განბანვის ტრადიციული რიტუალით აღნიშნეს, იუწყება საზოგადოებრივი მაუწყებლის პირველი არხი.
ნათლისღება ტრადიციული შთაფლვის რიტუალით აღნიშნეს. ძლიერი ღელვის მიუხედავად, ზღვის სანაპიროზე ასობით ადამიანი მივიდა.
ზღვა სასულიერო პირებმა აკურთხეს, რის შემდეგაც მორწმუნეები წყალში შევიდნენ. შესრულდა საგალობლები, ასევე დაანთეს სანთლები.
ზღვაში შესვლის ტრადიცია აჭარაში მეუფე დიმიტრის ლოცვა-კურთხევით აღდგა და ყოველწლიურად მასში სულ უფრო მეტი ადამიანი მონაწილეობს. რიტუალში მეუფე დიმიტრი წელს არ მონაწილეობდა.
მორწმუნეების უსაფრთხოებაზე მაშველები ზრუნავდნენ.
