ბათუმში პიროტექნიკით რვა წლის მოზარდი დაშავდა

© Sputnik / Alexander Imedashviliსასწრაფო დახმარება
სასწრაფო დახმარება - Sputnik საქართველო
გამოწერა
НовостиTelegram
მოზარდმა დაზიანებები ხელის და სახის არეში  მიიღო.

თბილისი, 13 იანვარი — Sputnik. ბათუმში პიროტექნიკის არასწორად გამოყენების შედეგად რვა  წლის ბიჭი დაშავდა, იუწყება აჭარის ტელევიზია. 

სასწრაფო დახმარება - Sputnik საქართველო
პიროტექნიკით დაშავებული არასრულწლოვნების რიცხვი იზრდება

გავრცელებული ინფორმაციით, მოზარდმა დაზიანებები ხელისა  და სახის არეში  მიიღო.

დაშავებული არასრულწლოვანი დედათა და ბავშვთა საავადმყოფოში გადაიყვანეს, სადაც მას ყველა საჭირო სამედიცინო კვლევა ჩაუტარდა და შესაბამისი დახმარებაც აღმოუჩინეს.

მოზარდი კლინიკიდან უკვე გაწერეს.

საქართველოში მალე არასრულწლოვნებზე პიროტექნიკის მიყიდვა აიკრძალება. კანონპროექტის თანახმად, კომპანია 200 ლარით, ფიზიკური პირი კი 100 ლარით დაჯარიმდება. თუ წლის განმავლობაში კონკრეტული კომპანია კანონს ხელმეორედ დაარღვევს, ამ შემთხვევაში ჯარიმის ოდენობა 400 ლარამდე გაიზრდება, ფიზიკური პირის შემთხვევაში კი – 200 ლარამდე.

2018 წლის იანვარში პიროტექნიკის შედეგად მიყენებული სხვადასხვა დაზიანებებით სამედიცინო დაწესებულებებში 44 ადამიანი მოხვდა, მათ შორის 24 არასრულწლოვანი იყო.

 

ყველა ახალი ამბავი
0