საქართველოში გრიპის ვირუსის გარდაცვალების კიდევ ერთი შემთხვევა დაფიქსირდა

© photo: Sputnik / Nikolai Khizhnyak / გადასვლა მედიაბანკშიგრიპის აცრა
გრიპის აცრა - Sputnik საქართველო
გამოწერა
ექიმები მოსახლეობას მოუწოდებენ, გრიპის პირველივე სიპტომების შემთხვევაში სამედიცინო დაწესებულებას მიმართონ. რისკჯგუფებს კვლავ ბავშვები, ორსულები, მოხუცები და ქრონიკული დაავადებების მქონე პაციენტები წარმოადგენენ.

თბილისი, 8 იანვარი — Sputnik. გურიაში გრიპის ვირუსით მოხუცი ქალი დაიღუპა, იუწყება ტელეკომპანია Rustavi2.

ექიმების განმარტებით, 83 წლის ქალმა სამედიცინო დაწესებულებას გრიპის სიმპტომებით 2 იანვარს მიმართა.

კლინიკა - Sputnik საქართველო
ფოთის ცენტრალურ საავადმყოფოში კარანტინი გამოცხადდა

მედიკოსების თქმით, პაციენტს სხვა დაავადებებიც აწუხებდა,  მათ შორის, გულის ქრონიკული უკმარისობა.

ოზურგეთის სამედიცინო ცენტრ „მედალფას“ დირექტორის, დავით მდინარაძის განცხადებით, 83 წლის ქალი მართვით სუნთქვაზე იმყოფებოდა, თუმცა მისი გადარჩენა ვერ მოხერხდა.

გრიპის ვირუსით გარდაცვალების შემთხვევა დღეს გორშიც დაფიქსირდა. კლინიკა „გორმედში“ ცოტა ხნის წინ 35 წლის ქალი დაიღუპა.

ექიმები მოსახლეობას მოუწოდებენ, გრიპის პირველივე სიპტომების შემთხვევაში სამედიცინო დაწესებულებას მიმართონ. რისკჯგუფებს კვლავ ბავშვები, ორსულები, მოხუცები და ქრონიკული დაავადებების მქონე პაციენტები წარმოადგენენ.

ყველა ახალი ამბავი
0