თბილისი, 19 ნოემბერი — Sputnik. ქართულ-რუსული საზღვრისკენ მიმავალ გზაზე ყველა სახის ტრანსპორტისთვის მოძრაობა თავისუფალია, ნათქვამია საავტომობილო გზების დეპარტამენტის ვებგვერდზე გავრცელებულ განცხადებაში.
ზემო ლარსი დღეს: რუსეთისკენ გზა დაკეტილია, გაწმენდითი სამუშაოების ჩატარება შეუძლებელია >>
ორშაბათს დღისით ინტენსიური გაწმენდითი სამუშაოების შემდეგ გუდაური-კობის მონაკვეთი მსუბუქი მანქანებისთვის გაიხსნა. თუმცა მისაბმელიანი და ნახევრადმისაბმელიანი ტრანსპორტისთვის შეზღუდვები საღამომდე მოქმედებდა.
„ჩატარებული ინტენსიური გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის (რუსეთის ფედერაციის საზღვარი) საავტომობილო გზაზე ავტოტრანსპორტის მოძრაობა თავისუფალია“, - აღნიშნულია განცხადებაში.
გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით.
მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა გვირაბებში ცალმხრივად განხორციელდება.
