თბილისი, 13 ნოემბერი — Sputnik. ელექტრონული მუსიკის ქართული ფესტივალი EchoWaves ევროპული (European Festival Awards, EFA) ფესტივალების ჯილდოზეა ნომინირებული, ნათქვამია პრემიის ვებ-გვერდზე გავრცელებულ განცხადებაში.
როგორც აღნიშნულია, ფესტივალი წარმოდგენილია ორ ნომინაციაში „საუკეთესი ახალი ფესტივალი" და „საშუალო ფორმატის საუკეთესო ფესტივალი" . საყვარელი ფესტივალისთვის ხმის მიცემა შესაძლებელია აქ.
EFA 2010 წელს დაფუძნდა და გრონინგენში (ნიდერლანდები) ყოველწლიურად იანვარში გადაეცემა. ევროპის ფესტივალები 13 ნომინაციაში ფასდება, რომლებიც მსოფლიო საზოგადოების განვითარებაში მნიშვნელოვან როლს ასრულებენ.
EchoWaves-ის ფესტივალი მიმდინარე წლის აგვისტოში ანაკლიაში ჩატარდა. ფესტივალის ჰედლაინერებს შორის იყვნენ ხუან ატკინსი, Die Antwoord-ი, Solomun-, Tricky და მრავალი სხვა.
ფესტივალის ბიუჯეტი 6,2 მილიონი ლარია. სახელმწიფომ ღონისძიების გამართვისთვის 4,16 მილიონი ლარი გამოყო.
