ინციდენტი თბილისის მეტროში: მამაკაცი ლიანდაგზე ჩავარდა

© Sputnik / Denis Aslanovმეტროსადგური „სახელმწიფო უნივერსიტეტი“
მეტროსადგური „სახელმწიფო უნივერსიტეტი“ - Sputnik საქართველო
გამოწერა
НовостиTelegram
ტრაგედიის თავიდან აცილება მემანქანის წყალობით მოხერხდა, რომელმაც მატარებლის გაჩერება შეძლო.

თბილისი, 12 ნოემბერი — Sputnik. შუახნის მამაკაცი მეტროს სადგურ „ისანში“ პერონიდან ლიანდაგზე ჩავარდა, იუწყება Новости-Грузия თბილისის სატრანსპორტო კომპანიაზე დაყრდნობით.

თბილისში მეტროს ახალი მიწისზედა სადგურები გაიხსნება >>

ბრიუსელი - Sputnik საქართველო
ქართულ ლექსებს ბრიუსელის მეტროს ვაგონებში კითხულობენ

ინციდენტი დაახლოებით 17:00 საათზე მოხდა. სატრანსპორტო კომპანიის მონაცემებით, სავარაუდოდ, მომხდარის მიზეზი მგზავრის უყურადღებობა გახდა, რომელიც პერონის კიდეს ზედმეტად მიუახლოვდა და გადავარდა.

ამ მომენტში გვირაბიდან მატარებელი გამოდიოდა, თუმცა მემანქანემ მატარებლის გაჩერება დროულად შეძლო.

მეტროპოლიტენის თანამშრომლებმა მყისვე გათიშეს ძაბვა და მამაკაცი პერონზე ამოიყვანეს. მამაკაცს სერიოზული ტრავმა არ მიუღია, მაგრამ  ადგილზე „სასწრაფო დახმარების“ ბრიგადა მაინც გამოიძახეს.

მამაკაცის ლიანდაგზე ჩავარდნამ რამდენიმე წუთით მეტროს მუშაობა შეაფერხა, თუმცა მოძრაობა მალევე აღდგა და ახმეტელი-ვარკეთილის ხაზის მუშაობა ჩვეულ რეჟიმში გაგრძელდა.

ყველა ახალი ამბავი
0