კურორტ ზეკარში 10 ჰექტარი ტყე დაიწვა

© Sputnik / Alexander Imedashviliსახანძრო მანქანა
სახანძრო მანქანა - Sputnik საქართველო
გამოწერა
НовостиTelegram
ხანძარი ზეკარში 10 ნოემბერს გაჩნდა

თბილისი, 12 ნოემბერი — Sputnik. ბაღდათის მუნიციპალიტეტის სოფელ ზეკარში, ტყეში გაჩენილი ხანძარი ლოკალიზებულია, იუწყება საგანგებო სიტუაციების მართვის სამსახური.

ხანძრის ლირკვიდაცია მთაწმინდაზე - Sputnik საქართველო
კიდევ ერთი ხანძარი: იმერეთში ფოთლოვანი ტყე იწვის

ხანძრის შედეგად  ტყეში დამწვარია 10 ჰექტარი  ფართობი.

უწყების ინფორმაციით, ცეცხლის გავრცელების საშიშროება ამ დროისთვის აღარ არსებობს.

„ზეკარის ხეობაში ჩვენმა მეხანძრე-მაშველებმა ურთულესი რელიეფის მიუხედავად შეძლეს ხანძრის ლოკალიზება. ამ დროისთვის მიმდინარეობს ცალკეული კერების დამუშავება. ადგილზე კვლავ რჩებიან სახანძრო-სამაშველო ძალები და სატყეო დეპარტამენტის წარმომადგენლები, რომლებიც პირველივე დღიდან მუშაობდნენ ზეკარის ხეობაში“, - განაცხადა საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსმა, ალექსანდრე ხვადაგიანმა.

ხანძარი ტყეში 10 ნოემბერს გაჩნდა. ხანძრის ქრობის პროცესში ჩართული იყო 200 მეხანძრე-მაშველი და ადგილზე შექმნილი იყო საგანგებო შტაბი.

ყველა ახალი ამბავი
0