თბილისი, 11 ნოემბერი — Sputnik. ახალციხეში მცხოვრები 13–14 წლის გოგონები მეზობლად მცხოვრებ მამაკაცს გარყვნილ ქმედებაში ადანაშაულებენ, იუწყება ტელეკომპანია Imedi.
არსებული ინფორმაციით, ერთ-ერთი გოგოს მშობლის მიერ პოლიციაში ჩივილის შემდეგ მამაკაცი გარყვნილი ქმედების ბრალდებით სამართალდამცველებმა დააკავეს.
როგორც საქმის მასალების ირკვევა, ბრალდებული ახალციხეში ერთ-ერთ სასტუმროში ცხოვრობს და კვების ობიექტზეა დასაქმებული. მოზარდები აცხადებენ, რომ 37 წლის მამაკაცი მათთან ურთიერთობის დამყარებას ცდილობდა.
„სასქესო ორგანოზე ეკიდა ხელი და მოახლოებას ცდილობდა ", - აცხადებენ არასრულწლოვანები.
ადგილობრივების განცხადებით, ამ დროისთვის მამაკაცი დაკავებულია. აღკვეთის ღონისძიებაზე ახალციხის რაიონული სასამართლო 12 ნოემბერს იმსჯელებს. დაკავებულს ბრალი სსკ–ს 141-ე მუხლით ედება, რაც გარყვნილ ქმედებას გულისხმობს და ისჯება თავისუფლების აღკვეთით ვადით 8-დან 10 წლამდე.
