სარფში ერთ-ერთი სასტუმროდან ტელევიზორები მოიპარეს

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
აღნიშნული დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.

თბილისი, 8 ნოემბერი — Sputnik. სამართალდამცველებმა 40 წლის მამაკაცი ქურდობის ბრალდებით დააკავეს, ნათქვამია საქართველოს შინაგან საქმეთა სამინისტროს პრეს-სამსახურის მიერ გავრცელებულ განცხადებაში.

დაკავება - Sputnik საქართველო
რუსთავში მაღაზიის გაქურდვის ფაქტი პოლიციამ ცხელ კვალზე გახსნა

უწყების ცნობით, ბრალდებულმა გასულ თვეს სარფში მდებარე ერთ-ერთი სასტუმროდან ტელევიზორები, მოქალაქის კუთვნილი ავტომანქანიდან კი მაგნიტოფონი და მეხსიერების ბარათი მოიპარა, რის შემდეგაც შემთხვევის ადგილიდან მიიმალა.

ქურდობიდან რამდენიმე დღეში ბრალდებული ზუგდიდში დააკავეს. ნაქურდალი ნივთები კი პოლიციამ ნივთმტკიცების სახით ამოიღო.

საქმეზე გამოძიება ქურდობის ფაქტზე საქართველოს სსკ-ის 177-ე მუხლის მე-2 ნაწილის „ა" ქვეპუნქტით, მე-3 ნაწილის „გ" და „დ" ქვეპუნქტებით მიმდინარეობს. აღნიშნული დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.

 

ყველა ახალი ამბავი
0