ტრაილერების მძღოლებისთვის თურქეთში გადაზიდვებისთვის საჭირო ნებართვების გაცემა დაიწყო

© Sputnik / Alexander Imedashviliტრაილერები "სარფის" საბაჟოზე
ტრაილერები სარფის საბაჟოზე - Sputnik საქართველო
გამოწერა
НовостиTelegram
თურქულ მხარესთან  მიღწეული შეთანხმებით, პირველ ეტაპზე გაიცემა 1 500 ნებართვა, ხოლო საჭიროების შემთხვევაში – დამატებითი ნებართვები

თბილისი, 4 ოქტომბერი — Sputnik. ბათუმში, ეკონომიკისა და მდგრადი განვითარების სამინისტროს სახმელეთო ტრანსპორტის სააგენტომ  ტრაილერების მძღოლებისთვის თურქეთში გადაზიდვებისთვის საჭირო ნებართვების გაცემა დაიწყო, იუწყება საქართველოს ეკონომიკისა და მდრადი განვითარების სამინისტრო.

რამდენიმე დღის წინ ტრაილერების მძღოლებმა, რომლებიც თურქეთში ტვირთის გადაზიდვაზე მუშაობენ, ბათუმში საპროტესტო აქცია გამართეს. აქციის მონაწილეების თქმით, მათი პროტესტი უკავშირდებოდა იმას, რომ ორ თვეზე მეტი დროის განმავლობაში თურქული მხარე თურქეთში ცარიელი შესვლისთვის საჭირო  სპეცნებართვას არ გასცემდა.

ხორბალი - Sputnik საქართველო
შეთანხმება მიღწეულია: ხორბლის იმპორტიორებისთვის აკრძალვა ერთი წლით გადავადდა

ბათუმში მძღოლებთან შესახვედრად ეკონომიკისა და მდგრადი განვითარების მინისტრის დავალებით სახმელეთო ტრანსპორტის სააგენტოს ხელმძღვანელი  გაემგზავრა და აქციის მონაწილეებს პრობლემის მოგვარებას დაჰპირდა.

„ჩვენ შევასრულეთ ტრაილერების მძღოლებისთვის მიცემული პირობა, მივაღწიეთ თურქულ მხარესთან შეთანხმებას და დღეიდან დავიწყეთ გადაზიდვებისთვის საჭირო ნებართვების გაცემა. პროცესი მიდის მშვიდად, ვიმუშავებთ შაბათ-კვირასაც იმისთვის, რომ რაც შეიძლება მალე მიეცეთ თურქეთის მიმართულებით გადაზიდვებზე მომუშავე მძღოლებს სამუშაოს გაგრძელების შესაძლებლობა“, - განაცხადა ეკონომიკის სამინისტროს სახმელეთო ტრანსპორტის სააგენტოს ხელმძღვანელმა მიხეილ ხმალაძემ.

თურქულ მხარესთან  მიღწეული შეთანხმებით, პირველ ეტაპზე გაიცემა 1 500 ნებართვა, ხოლო საჭიროების შემთხვევაში, თურქული მხარე მზადყოფნას გამოთქვამს,  ქართულ მხარეს გადასცეს დამატებითი ნებართვები. მომსახურების ოფისები ადგილზე ნებართვების გასაცემად  შაბათ-კვირასაც იმუშავებენ.

 

ყველა ახალი ამბავი
0