თბილისი, 6 სექტემბერი — Sputnik. წერეთლის გამზირზე მდებარე „საქართველოს ბანკის" ფილიალს თავს დაესხნენ, ნათქვამია საქართველოს შსს-ს პრეს-სამსახურის მიერ გავრცელებულ განცხადებაში.
შემთხვევა გუშინ, გვიან ღამით მოხდა.
გავრცელებული ინფორმაციით, მამაკაცმა ღამით შენობის კარი ქვით ჩაამტვირია და ბანკში შეღწევა მოახერხა, მოლარე-ოპერატორის უჯრიდან ფული ამოიღო და გაქცევას ცდილობდა, თუმცა, მან თანხის წაღება ვერ მოასწრო, რადგან სიგნალიზაცია ჩაირთო.
შემთხვევის ადგილზე მისულმა სამართალდამცველებმა ბოროტმოქმედი დააკავეს.
გამოძიება ქურდობის მცდელობის ფაქტზე, საქართველოს სსკ-ს 19-177-ე მუხლის მე-2 ნაწილის „ბ“ ქვეპუნქტით მიმდინარეობს, რაც სამიდან ხუთ წლამდე ვადით თავისუფლების აღკვეთას ითვალსწინებს.