თბილისი, 4 სექტემბერი — Sputnik. თბილისის ვარკეთილის დასახლებაში მომხდარი ავტოსაგზაო შემთხვევის შედეგად ორი ადამიანი დაშავდა, იუწყება ტელეკომპანია Rustavi2.
ავტოსაგზაო შემთხვევა გუშინ, გვიან ღამით მოხდა.
ერთმანეთს ოთხი ავტომობილი შეეჯახა, რის შედეგადაც ერთ ავტომობილში მყოფი ორი ადამიანი დაშავდა. ორივე მათგანი საავადმყოფოში გადაიყვანეს, რომელთაგან ერთ-ერთმა კლინიკა უკვე დატოვა.
სავარაუდოდ, ავარია გადაჭარბებულმა სიჩქარემ გამოიწვია.
შემთხვევის ადგილზე საპატრულო პოლიციისა და სასწრაფო სამედიცინო დახმარების ბრიგადები იყვნენ მობილიზებული.
მომხდარ ფაქტზე გამოძიება საქართველოს სსკ-ის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია და რაც ითვალისწინებს თავისუფლების აღკვეთას სამ წლამდე ვადით.