თბილისი, 4 სექტემბერი — Sputnik. კახეთში სამართალდამცველებმა 37 წლის მამაკაცი ქურდობის ბრალდებით ცხელ კვალზე დააკავეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.
ქურდობის ფაქტი თელავის რაიონის სოფელ შალაურში გუშინ მოხდა.
გამოძიებით დადგინდა, რომ ბრალდებულმა 3 სექტემბერს სამი საცხოვრებელი სახლი გაქურდა, საიდანაც ოქროს სამკაულები და თანხა მოიპარა.
სამართალდამცველებმა ნაქურდალი ნივთები ნივთმტკიცების სახით ამოიღეს.
ქურდობის ფაქტზე გამოძიება საქართველოს სსკ-ის 177-ე მუხლის მე-3 ნაწილის „გ" ქვეპუნქტით მიმდინარეობს. აღნიშნული დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.
