თბილისი, 19 აგვისტო — Sputnik. ახმეტის მუნიციპალიტეტის სოფელ ზემო ალვანში 31 წლის მამაკაცმა თავი მოიკლა, იუწყება ტელეკომპანია Imedi.
„წლების განმავლობაში „ლიბერთი ბანკში“ მუშაობდა. ბოლოს სამსახურიდან წამოვიდა. დედა საზღვარგარეთაა სამუშაოდ. აქ მამასთან და ძმასთან ერთად ცხოვრობდა“, — ამბობს ზემო ალვანში ახმეტის მერის წარმომადგენელი ზურაბ ყიზილაშვილი.
ზურაბ ყიზილაშვილის განცხადებით, შემთხვევა 16 აგვისტოს, საღამოს მოხდა.
არსებული ინფორმაციით, მ.ჭ-მა სასიკვდილო ჭრილობა იარაღით მიიყენა.
შინაგან საქმეთა სამინისტროს ინფორმაციით, საქმეზე გამოძიება სსკ-ის 115-ე, თვითმკვლელობამდე მიყვანის მუხლით დაიწყო.
თვითმკვლელობის მიზეზი ჯერჯერობით არ სახელდება.
