თბილისი, 18 აგვისტო — Sputnik. ახმეტის მუნიციპალიტეტის სოფელ ახშანში, მატანსა და ქისტაურში ძლიერი წვიმისა და სეტყვის შედეგად ყურძნის მოსავალი განადგურდა, იუწყება ადგილიდან „Sputnik-საქართველოს“ კორესპონდენტი.
სეტყვის შედეგად ახმეტაში ვენახებთან ერთად ხეხილიც დაზიანდა.
„ყველაზე დიდი ზარალი სოფელ ქისტაურს მიადგა, ახლა მივდივარ, რომ სტიქიის ადგილზე ვნახო, რა სიტუაციაა“, – განაცხადა მერმა.
ჯერჯერობით უცნობია, რა რაოდენობის ზარალი მიადგა სოფლებს.
ახმეტის გარდა, თელავშიც პრობლემები შეიქმნა. სანიაღვრე სისტემამ წყალი ვერ გაატარა, რამდენიმე ქუჩა დაიტბორა. ქალაქში ელექტროენერგიის მიწოდება შეწყდა, იუწყება ტელეკომპანია Rustavi2.
