თბილისი, 1 აგვისტო — Sputnik. თბილისის საქალაქო სასამართლომ ოთხშაბათს დამნაშავედ ცნო საქართველოს მოქალაქე დიდი ოდენობით ბუნებრივი აირის მიტაცებაში და რვა წლით პატიმრობა შეუფარდა, ნათქვამია მთავარი პროკურატურის ვებგვერდზე გავრცელებულ განცხადებაში.
ბიზნესმენს მაინინგ-ფერმისთვის ელექტროენერგიის მოპარვაში ადანაშაულებენ >>
გამოძიება ამტკიცებს, რომ მსჯავრდებულმა ლითონის მილი და ბუნებრივი აირის წნევის რეგულატორი დააერთა მაგისტრალურ მილსადენზე, რომელიც სოფელ ბერბუკზე (შიდა ქართლი) გადის და „საქართველოს გაზის ტრანსპორტირების კომპანიას“ ეკუთვნის.
ამ მოწყობილობის დახმარებით მამაკაცმა 1,2 მილიონი კუბური მეტრი ბუნებრივი აირი მიიტაცა. პროკურატურაში ამტკიცებენ, რომ მსჯავრდებული ბუნებრივ აირს 2015 წლის 22 სექტემბრიდან 2016 წლის 12 ივლისამდე იპარავდა.
„საქართველოს გაზის ტრანსპორტირების კომპანიას“ 458 ათას ლარამდე ზარალი მიადგა.
საქართველოს მოქალაქის წინააღმდეგ სისხლის სამართლის საქმე მიმდინარეობდა სსკ-ის 177 მუხლის მეოთხე ნაწილის „ბ” და „დ” ქვეპუნქტებით (ქურდობა ჩადენილი დიდი ოდენობით, მაგისტრალურ მილსადენში არსებული გაზის მიმართ), რაც 6-დან 10 წლამდე პატიმრობას ითვალისწინებენ.
