თბილისი, 29 ივლისი — Sputnik. თუშეთში, ომალოდან 20 კილომეტრში მდებარე სოფელ ილიურთაში მანქანა ხევში გადავარდა, იუწყება საზოგადოებრივი მაუწყებლის პირველი არხი.
საგანგებო სიტუაციების კახეთის სამმართველოს ხელმძღვანელის, გიორგი ჩარკვიანის განცხადებით, შემთხვევის შედეგად არავინ დაშავებულა.
შეტყობინების საფუძველზე მობილიზებულია სახანძრო-სამაშველო სამსახური.
„შემთხვევის ადგილზე ტელეფონი ცუდად იჭერს. ვცდილობთ დავუკავშირდეთ ზარის ინიციატორს, მაგრამ კავშირზე ვეღარ გავდივართ. ერთი, რაც დანამდვილებით ვიცით, არის ის, რომ არ არის მსხვერპლი“, — განაცხადა გიორგი ჩარკვიანმა.
მისივე თქმით, ომალოში იმყოფება პოლიციის ჯგუფი და ისინი შემთხვევის ადგილისკენ მიემართებიან.
თუშეთში მოზარდი კლდიდან გადავარდა >>
„მათი მეშვეობით შევიტყობთ დაშავებულების მდგომარეობას და რაოდენობას. ამ ინფორმაციის შემდეგ განისაზღვრება შემდგომი სამოქმედო გეგმა. გახდება თუ არა ჩვენი ჩარევა საჭირო“, – აღნიშნა გიორგი ჩარკვიანმა.
