თბილისი, 25 ივლისი — Sputnik. თბილისელების ნახევარზე მეტი სხვადასხვა სიხშირით სარგებლობს სწრაფი კვების ობიექტებით, ნათქვამია სოციოლოგიური კვლევის შესახებ ანგარიშში, რომელიც ანალიზისა და კონსულტაციების ჯგუფ ACT-ის მიერ ჩატარდა.
სწრაფი კვების ობიექტების ყველაზე აქტიური მომხმარებლები 18-24 წლის ახალგაზრდები არიან (88%), მაშინ როცა 65 წელს ზევით რესპოდენტთა შორის მხოლოდ 24% სტუმრობს ამ დაწესებულებებს. ამასთან, აღსანიშნავია, რომ სწრაფი კვების ობიექტები მამაკაცებში (60%) მეტი პოპულარობით სარგებლობენ, ვიდრე ქალებში (52%).
იმ ძირითად მიზეზებს შორის, რის გამოც გამოკითხულები სტუმრობენ სწრაფი კვების ობიექტებს, სახელდება გემრიელი საჭმელი — 52%, მომსახურების სისწრაფე — 31%, მოსახერხებელი მდებარეობა — 15% ან დაბალი ფასი — 8%.
რესპოდენტთა უმეტესობა (57%) სწრაფი კვების ობიექტში ერთი ვიზიტისას ერთ ადამიანზე საშუალოდ 10 ლარამდე ხარჯავს.
კვლევა ჩატარდა თბილისის მასშტაბით ივნისში, შემთხვევითი შერჩევის მეთოდით. სულ გამოიკითხა 400 თბილისელი.
„კვებითი ბოროტება“ — ჭყონიას McDonald's-ს ერევანში სომხური ქაბაბის მტერი უწოდეს >>
Act – ესაა გლობალური ანალიტიკური კომპანია, რომელიც მოიცავს დსთ–ის, აღმოსავლეთ ევროპის ქვეყნებს, აქვს თავისი წარმომადგენლობები საქართველოში, აზერბაიჯანსა და ყაზახეთში.
