თბილისელებისა და ქალაქის სტუმრების საყვარელი პარკი მთაწმინდაზე 24 ივლისს 80 წლის იუბილეს აღნიშნავს. იხილეთ Sputnik-საქართველოს ფოტოლენტაში მთაწმინდის პარკის ღირსშესანიშნაობები
პარკის მოცულობა 100 ჰექტარზე მეტია, ის 700 მეტრის სიმაღლეზე მდებარეობს. პარკი 1938 წელს გაშენდა, მას შემდეგ სახე იცვალა და დღეისათვის თბილისის ერთ-ერთი ყველაზე მოთხოვნადი ადგილია. მთაწმინდის პარკში იმართება სხვადასხვა ღონისძიებები: ყველის, ნაყინის, ყვავილების ფესტივალები, ბაზრობები და გამოფენა-გაყიდვები.
მთაწმინდის პარკი ნახვის პირველივე წამიდან შთაბეჭდილებების ქვეშ აქცევს სტუმრებს
თბილისში დასვენების მსურველთა კულტურულ პროგრამაში მთაწმინდის პარკი ნამდვილად იმსახურებს ადგილს
თბილისის ანძა - ეს მთაწმინდის სიმბოლოა. 275 მეტრიანი რკინის ნაგებობის შენება 1972 წელს დაიწყო
ტელეანძის გვერდით განთავსებულია 62 მეტრიანი "ეშმაკის ბორბალი". მისი კაბინები დახურულია და მათში განთავსებულია ტელევიზორები, თუმცა სიმაღლეზე გადაშლილი ხედი ყველაფერ სხვას ავიწყებს სტუმრებს
მთაწმინდაზე ხედისათვის გამოყოფილია სპეციალური ადგილები
პარკში სხვადასხვა შეფერილობის "ორთქლმავლები" დადიან, რათა სტუმრებმა ტერიტორიის დათვალიერება შეძლონ
პარკში მრავლადაა შადრევნები
ერთ-ერთი ულამაზესი შადრევანი "სურვილების ხეა"
ყველაზე პოპულარული ატრაქციონი წყლის მთებია, რომლებიც მხოლოდ ზაფხულში მუშაობს
მძაფრი შეგრძნებების მოყვარულებს კი ამერიკულ მთებზე შეუძლიათ დასხდნენ
პატარა ბავშვებისათვის აქვე აკვაპარკიცაა
სტუმრებს ძალიან მოწონთ კონტაქტური ზოოპარკი
ფუნიკულიორის ზედა სადგურის პავილიონში XIX საუკუნის გამოძახილი კვლავ შემორჩა - რესტორანი "ფუნიკულიორი". დაწესებულება სტუმრებს უგემრიელესი საკვებითა და ქალაქზე გადაშლილი არაჩვეულებრივი ხედით უმასპინძლდება
მთაწმინდის პარკში ასვლა შესაძლებელია როგორც საზოგადოებრივი ან კერძო ტრანსპორტით, ასევე ფუნიკულიორის საშუალებით, რომლის საფასურიც მხოლოდ 2 ლარია
ავტომობილით მისულ სტუმრებს კი მანქანის გაჩერება პარკის სადგომზე შეუძლიათ
