თბილისი, 18 ივლისი — Sputnik. შსს-ს თანამშრომლებმა თბილისსა და აჭარაში „ქურდული სამყაროს" წევრობისა და ე.წ. ქურდულ გარჩევებში მონაწილეობის ბრალდებით ათი ადამიანი დააკავეს, განაცხადა შინაგან საქმეთა მინისტრის მოადგილე კახაბერ საბანაძემ ბრიფინგზე.
მათი დაკავება მოსამართლის განჩინების საფუძველზე მოხდა.
საბანაძის განცხადებით, დაკავებულები ხალხს აშინებდნენ, ძალის გამოყენებით ფულს სძალავდნენ და ასევე აწყობდნენ „ქურდულ გარჩევებს" ქვეყნის სხვადასხვა რეგიონში.
გარდა ამისა, დაუსწრებლად წარედგინა ბრალი ქართველ „კანონიერ ქურდ" მინდია გორაძეს, მეტსახელად „ლავას ოღლის", რომელიც ამ დროისთვის არ იმყოფება საქართველოში. სამართალდამცველებმა ლავასოღლის წინააღმდეგ მტკიცებულებები ფარული მიყურადების შედეგად მოიპოვეს.
კანონიერი ქურდობის და ქურდულ შეკრებაში მონაწილეობისთვის „ლავას ოღლის" 9-დან 15 წლამდე ვადით თავისუფლების აღკვეთა, ათ დაკავებულს კი 7-დან 10 წლამდე პატიმრობა ემუქრება.
