თბილისი, 1 ივლისი — Sputnik. თბილისში ერთ-ერთ აუზზე 22 წლის ბიჭი დაჭრეს, იუწყება ტელეკომპანია Rustavi2.
ტელეკომპანიის ინფორმაციით, ახალგაზრდა, სავარაუდოდ, ცივი იარაღით დაჭრეს, მას დაზიანებები მუცლისა და კისრის არეში აქვს მიყენებული.
დაჭრილს ჩაუტარდა გადაუდებელი ოპერაცია და ის მკურნალობას საავადმყოფოში განაგრძობს.
ამ დროისთვის მისი მდგომარეობა სტაბილურია.
საქმე სისხლის სამართლის კოდექსის 19-108 განზრახ მკვლელობის მუხლით არის აღძრული, რაც 7-დან 15 წლამდე თავისუფლების აღკვეთას ითვალისწინებს.