თბილისი, 29 მაისი — Sputnik. რუსული ავიაკომპანია „პობედას“ თვითმფრინავის როსტოვი-თბილისის მიმართულებით გამოფრენა ბომბის შესახებ მგზავრის განცხადების გამო გადაიდო, იუწყება РИА Новости კომპანიის წარმომადგენელზე დაყრდნობით.
მგზავრი, რომელმაც ჩასხდომის დროს ბორტგამცილებელს უთხრა, რომ ჩანთაში ბომბი აქვს, პოლიციის კონტროლის ქვეშ დაუყოვნებლივ მოხსნეს რეისიდან, ხოლო საავიაციო უსაფრთხოების სამსახურის თანამშრომლებმა კინოლოგებთან ერთად თვითმფრინავი შეამოწმეს.
შემოწმებისას დადგინდა, რომ არანაირი ასაფეთქებელი მოწყობილობა არც ხუმარა მგზავრის ჩანთაში, არც თვითმფრინავის ბორტზე არ ყოფილა.
„დაუფიქრებელი და უპასუხისმგებლო განცხადების გამო თბილისის რეისი 35 წუთით გადაიდო, ასევე მოსალოდნელია როსტოვის მიმართულებით უკანა რეისის დაგვიანება“, — განაცხადა ავიაკომპანიის წარმომადგენელმა.
მანვე აღნიშნა, რომ დამრღვევს მოუწევს მთლიანი ზარალის ანაზღაურება, რომელიც „პობედას“ რეისების გადადების გამო მიადგა.
