თბილისი, 28 მაისი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა სამეგრელოს რეგიონში სახელმწიფო ქონების მოტყუებით დაუფლების ფაქტზე ორი პირი დააკავეს, ნათქვამია უწყების მიერ გავრცელებულ განცხადებაში.
საქმის მასალებიდან ირკვევა, რომ ბრალდებულებმა მათ მიერვე გაყალბებული დოკუმენტების გამოყენებით დაირეგისტრირეს ზუგდიდის მუნიციპალიტეტის ტერიტორიაზე მდებარე სახელმწიფოს კუთვნილი 11 ათასი და 13 ათასი კვადრატული მეტრი ფართობის მიწის ნაკვეთები.
მოტყუებით დარეგისტრირებული მიწის ნაკვეთები ამჟამად დაყადაღებულია.
გამოძიება მიმდინარეობს სსკ-ის 180-ე („თაღლითობა, ჩადენილი წინასწარი შეთანხმებით ჯგუფის მიერ") და 362-ე („ყალბი დოკუმენტის, ბეჭდის, შტამპის ან ბლანკის დამზადება, გასაღება ან გამოყენება, რამაც მნიშვნელოვანი ზიანი გამოიწვია") მუხლების მეორე ნაწილებით, რაც ითვალისწინებს ოთხიდან შვიდ წლამდე ვადით თავისუფლების აღკვეთას.
