ბასილაშვილი ჯოკოვიჩთან რომის ტურნირზე დამარცხდა

© FB / Nikoloz Basilashviliნიკოლოზ ბასილაშვილი
ნიკოლოზ ბასილაშვილი - Sputnik საქართველო
გამოწერა
НовостиTelegram
ასეთ ადრეულ ეტაპზე დამარცხების მიუხედავად, АТР-ს განახლებულ რეიტინგში ქართველი ჩოგბურთელი საკუთარ პოზიციებს გაიუმჯობესებს და 74-ე პოზიციიდან გადაინაცვლებს

თბილისი, 16 მაისი – Sputnik. საქართველოს ვაჟ ჩოგბურთელთა ნაკრების ლიდერი ნიკოლოზ ბასილაშვილი (74) „მასტერსის“ სერიის АТР-ს ტურნირის მეორე წრეში მსოფლიოს ყოფილ ნომერ პირველ ჩოგბურთელ, სერბ ნოვაკ ჯოკოვიჩთან ორ სეტში დამარცხდა – 4:6, 2:6.

ნიკოლოზ ბასილაშვილმა რომის ტურნირზე პირველი მატჩი მოიგო >>

პირველ პარტიაში საკმაოდ თანასწორი ბრძოლა წარიმართა. მეტიც, 3:3 ანგარიშისას ქართველმა ჩოგბურთელმა ჯოკოვიჩის ჩაწოდების აღება ოთხჯერ შეძლო. მაგრამ სერბმა გაუძლო. სეტის ბოლოს მან ძალები მოიკრიბა და მეათე გეიმში ბრეიკის გაკეთება შეძლო, რომელმაც პარტია მოაგებინა — 6:4.

ნიკოლოზ ბასილაშვილის დევისის თასის მატჩზე - Sputnik საქართველო
ნიკოლოზ ბასილაშვილი ერთი წლის განმავლობაში საჩოგბურთო რეიტინგში 35 პოზიციით აიწია

ბასილაშვილის ქომაგების სამწუხაროდ, მეორე სეტში მან ვერ გაუწია სათანადო წინააღმდეგობა ოპონენტს და თავისი ჩაწოდება ორჯერ დათმო. 

მატჩი საერთო ჯამში 1 საათი და 16 წუთი გაგრძელდა.

ასეთ ადრეულ ეტაპზე დამარცხების მიუხედავად, ბასილაშვილმა 45 სარეიტინგო ქულა და 32 000 ევრო გამოიმუშავა. დიდი ალბათობით შეიძლება ითქვას, АТР-ს განახლებულ რეიტინგში ქართველი ჩოგბურთელი საკუთარ პოზიციებს გაიუმჯობესებს და 74-ე პოზიციიდან გადაინაცვლებს

რაც შეეხება ტურნირს რომში Internazionali BNL d"Italia, ის 20 მაისამდე გაგრძელდება. მისი საერთო საპრიზო ფონდია თითქმის ხუთნახევარი მილიონი ევრო. ტურნირის მოქმედი გამარჯვებულია ალექსანდრ ზვერევი (გერმანია).


ყველა ახალი ამბავი
0