თბილისი, 3 მაისი — Sputnik. საქართველოში კვლავ იზრდება ტურისტული ნაკადი — 2018 წლის პირველ ოთხ თვეში ქვეყანაში იმყოფებოდა 937,3 ათასი ტურისტი, რაც 27%-ით მეტია გასული წლის ანალოგიურ პერიოდთან შედარებით, განაცხადეს საქართველოს ტურიზმის ეროვნულ ადმინისტრაციაში.
საქართველოში ტურისტად მიიჩნევენ მას, ვინც ქვეყანაში 24 საათზე მეტი დაჰყო.
საქართველოს სულ იანვრიდან აპრილის ჩათვლით პერიოდში 2 მილიონზე მეტი უცხოელი ეწვია. ეს 16%-ით მეტია გასული წლის ანალოგიურ პერიოდზე.
უცხოური ტურიზმიდან შემოსავლებმა 2017 წელს 2,7 მილიარდ აშშ დოლარს გადააჭარბა (+27%). ეს მთლიანი შიდა პროდუქტის 6,9% წილია.
საქართველოში ტურიზმის სფერო ბოლო წლებში აქტიურად ვითარდება, რაც სტატისტიკურ მონაცემებზე აისახება. ყოველწლიურად ქვეყანაში ჩნდება ახალი სასტუმროები, მოწმდება ხარისხი კვების ობიექტებში, მიმდინარეობს მომსახურე პერსონალისა და გიდების გადამზადება.
