თბილისი, 2 მაისი — Sputnik. შინაგან საქმეთა სამინისტროს თანამშრომლებმა მეტროს სადგურ „თავისუფლების მოედანთან" მომხდარი დანაშაულის ფაქტზე ორი პირი დააკავეს, ნათქვამია უწყების მიერ გავრცელებულ განცხადებაში.
ინციდენტი თბილისში 1 მაისს, საღამოს მოხდა.
გავრცელებული ინფორმაციით, ურთიერთშელაპარაკების ნიადაგზე უცნობმა პირებმა 20 და 29 წლის მამაკაცები ცივი იარაღით დაჭრეს. ერთ-ერთ მათგანს ჭრილობა მკერდის არეში აქვს მიყენებული და ამ დრომდე საავადმყოფოში რჩება.
სამართალდამცველებმა დამნაშავეები — 18 წლის ახალგაზრდები ცხელ კვალზე დააკავეს.
მომხდარ ფაქტზე გამოძიება მიმდინარეობს სსკ-ის 19-109-ე მუხლის მე-2 ნაწილით ("ჯგუფურად, დამამძიმებელ გარემოებებში ჩადენილი განზრახ მკვლელობის მცდელობა"), რაც 13-დან 17 წლამდე ვადით თავისუფლების აღკვეთას ითვალისწინებს.