თბილისი, 27 აპრილი — Sputnik. გამოქვეყნდა სრული სია ვარსკვლავური სტუმრების Black Sea Jazz Festival-ის, რომელიც შავი ზღვის სანაპიროზე 19-დან 22 ივლისამდე გაიმართება, იუწყებიან ღონისძიების ორგანიზატორები.
რიგით მე-12 ფესტივალის ყველაზე სახელოვანი სტუმრები არიან ლეგენდარული ჯგუფ Led Zeppelin-ის სოლისტი რობერტ პლანტი, სოულ-მომღერალი ერიკა ბადუ და რეპერი ვაიკლეფ ჯინი.
ფესტივალის პირველ დღეს Black Sea Arena-ს საკონცერტო დარბაზში წარდგება რობერტ პლანტი ბენდ Sensational Space Shifters-თან ერთად.
ენიო მორიკონე 19 მაისს საქართველოში პირველ კონცერტს გამართავს >>
მეორე დღეს, 20 ივლისს, ბათუმის საჩოგბურთო კლუბის კორტებზე მსმენელის წინაშე წარდგება DJ LO Loretta Brown aka Erykah Badu და Trombone Shorty & Orleans Avenue. 21 ივლისს იმავე სცენაზე გაიმართება ცნობილი პროდიუსერის, მუსიკოსისა და რეპერის, Wyclef Jean-ის კონცერტი.
ფესტივალის ბოლო დღეს, 22 ივლისს და ისევ საჩოგბურთო კლუბში წარდგებიან R+R Now – Robert Glasper, Terrace Martin, Christian Scott, Derrick Hodge, Taylor McFerrin, Justin Tyson House Band.
ჯაზ-ფესტივალის მსვლელობისას მსმენელთა განწყობაზე პასუხისმგებელი იქნება იტალიელი მუსიკოსის, ანდრეა ბენინის ჰაუს-ბენდი Mop Mop.
Black Sea Jazz Festival-ის ორგანიზატორებია „თიბისი ბანკი“ და კომპანია Eastern Promotions. ფესტივალი Check in Georgia-ა ფარგლებში ტარდება.
სამთავრობო პროექტ Check in Georgia-ს ბიუჯეტი 2018 წელს 20 მილიონ ლარს შეადგენს.
