თბილისი, 27 მარტი — Sputnik. მსახიობ ნატალია ბურმისტროვას ხსოვნის საღამო გაიმართება 27 მარტს გრიბოედოვის სახელობის თეატრის მცირე დარბაზში. საღამო თეატრის საერთაშორისო დღეს ეძღვნება.
ღონისძიებას თეატრის სამხატვრო ხელმძღვანელი ავთანდილ ვარსიმაშვილი გახსნის. საღამოზე შეიკრიბებიან მსახიობის კოლეგები, მეგობრები, თაყვანისმცემლები, ასევე კულტურის გამოჩენილი მოღვაწეები.
სტუმრებს შორის იქნებიან საქართველოს სახალხო არტისტები გურანდა გაბუნია და ირმა სოხაძე.
საღამოზე აჩვენებენ ვიდეოკადრებს, რომლებზეც აღბეჭდილია მსახიობი სცენაზე და მისი ინტერვიუს ჩანაწერები.
ნატალია ბურმისტროვა 14 მარტს 100 წლის გახდებოდა. ის იყო საბჭოთა კავშირის სახალხო არტისტი, თბილისის საპატიო მოქალაქე. გრიბოედოვის თეატრში მსახიობმა 60 წელი იმუშავა.
ცერემონიის წამყვანია ნინა ზარდალიშვილი-შადური. საღამო 19:00 საათზე დაიწყება.
