მადრიდში ქურდობის ბრალდებით ოთხი ქართველი დააკავეს

გამოწერა
კრიმინალური დაჯგუფების შესახებ ინფორმაცია ესპანელ კოლეგებს საქართველოს შინაგან საქმეთა სამინისტრომ მიაწოდა.

თბილისი, 23 მარტი — Sputnik. საქართველოსა და ესპანეთის სამეფოს შინაგან საქმეთა სამინისტროების თანამშრომლობის შედეგად ქალაქ მადრიდში ოთხი ქართველი დააკავეს, იუწყება შინაგან საქმეთა სამინისტროს პრეს-სამსახური.

ესპანეთის პოლიცია - Sputnik საქართველო
ესპანეთში დანაშულებრივი დაჯგუფების წევრი საქართველოს მოქალაქე ქალბატონი დააკავეს

გამოძიების ინფორმაციით, დაკავებულია ქართული ორგანიზებული დანაშაულებრივი ჯგუფის 4 წევრი, რომელთაგან ორი წარსულში ნასამართლევია. ბოროტმოქმედები ქალაქ მადრიდსა და მის შემოგარენში სახლებს ქურდავდნენ.

სამართალდამცველებმა დაკავებულების საცხოვრებელი სახლების ჩხრეკისას დიდი რაოდენობით ნაქურდალი ნივთები, სამკაულები, ძვირფასეულობა და 9 ერთეული ცეცხლსასროლი იარაღი ნივთმტკიცებად ამოიღეს.

კრიმინალური დაჯგუფების შესახებ ინფორმაცია ესპანელ კოლეგებს საქართველოს შინაგან საქმეთა სამინისტრომ მიაწოდა.

დაკავებულებს ბრალი წარედგინათ ესპანეთის სამეფოს სისხლის სამართლის კოდექსის 515-ე, 234-ე, 563-ე და 390-ე მუხლებით, რაც კრიმინალურ-დანაშაულებრივი ჯგუფის წევრობას, ქურდობას, იარაღის უკანონო შეძენა-შენახვას და დოკუმენტების გაყალბებას გულისხმობს. ჩადენილი დანაშაულები ორიდან ხუთ წლამდე ვადით თავისუფლების აღკვეთას ითვალისწინებს.

გამოძიებას ესპანეთის სამეფოს შინაგან საქმეთა სამინისტროს ეროვნული პოლიციის კრიმინალური პოლიციის დეპარტამენტი აწარმოებს.

ყველა ახალი ამბავი
0