თბილისი, 16 მარტი — Sputnik. პოპულარული რუსი მომღერალი დიმა ბილანი საქართველოში იმყოფება და მან ორი ქალაქი — ბათუმი და თბილისი მოინახულა.
ქართულ მასმედიაში გავრცელებული ინფორმაციით, ბილანმა დახურულ ღონისძიებაში მიიღო მონაწილეობა, რომელიც ბათუმში ერთ-ერთი ფარმაცევტული კომპანიის მიერ იყო ორგანიზებული.
აჭარაში ბილანმა ბათუმის საზღვაო სასწავლებელი დაათვალიერა, რომელშიც ოდესღაც მომღერლის მამა სწავლობდა. როგორც ბილანმა Instagram-ში საკუთარ ხელმომწერებს მოუთხრო, ის სასწავლებლის ხელმძღვანელობას გაესაუბრა, დაათვალიერა ფოტოალბომები და საკუთარი შთაბეჭდილებები მამასაც გაუზიარა.
„მამას დავურეკე, მისი ახალგაზრდობისდროინდელი ხედები ვაჩვენე. ზოგჯერ ეს აუცილებელია", — წერს ბილანი.
ბათუმიდან თბილისისკენ ბილანმა მატარებლით იმგზავრა. თუ როგორია მისი დღის განრიგი თბილისში, ჯერჯერობით უცნობია.
