თბილისი, 15 მარტი — Sputnik. შინაგან საქმეთა სამინისტროს თანამშრომლებმა თბილისში, ფონიჭალის დასახლებაში 43 წლის ნარკორეალიზატორი დააკავეს, ნათქვამია უწყების მიერ გავრცელებულ განცხადებაში.
დაკავებულის საცხოვრებელი სახლის ჩხრეკისას სამართალდამცველებმა ნივთმტკიცებად ამოიღეს ერთი შეკვრა ნარკოტიკული ნივთიერება. ნივთმტკიცებებს დაურთეს აგრეთვე მის მიერ უკვე გაყიდული ორი შეკვრა ჰეროინი.
გამოძიებამ დაადგინა, რომ ბრალდებული ნარკოტიკულ საშუალებას სისტემატურად ყიდდა.
გამოძიება მიმდინარეობს სსკ-ის 260-ე მუხლის მეოთხე და მეექვსე ნაწილებით („განსაკუთრებით დიდი ოდენობით ნარკოტიკული საშუალების უკანონო შეძენა-შენახვას და გასაღება“), რაც ითვალისწინებს 8-დან 20 წლამდე ვადით ან უვადო თავისუფლების აღკვეთას.