თბილისი, 6 მარტი — Sputnik. საქართველოს მუნიციპალური განვითარების ფონდი ბათუმში ნაპირდაცვით სამუშაოებს აწარმოებს, ნათქვამია ფონდის ვებ-გვერდზე განთავსებულ განცხადებაში.
პროექტი აზიის განვითარების ბანკის ფინანსური მხარდაჭერით ხორციელდება. მისი ღირებულებაა 56 მლნ ლარი.
„ბათუმის ნაპირდაცვის პროექტი ითვალისწინებს დაახლოებით 2 კმ ნაპირსამაგრი ნაგებობის მოწყობას, სანაპირო ზოლის აღდგენას და დაზიანებული ბულვარის სრულ რეაბილიტაციას", — ნათქვამია განცხადებაში.
გარდა ამისა, აღდგენილ სანაპიროსთან ბულვარის დაკავშირების მიზნით მოეწყობა 12 საფეხმავლო ხიდი, რომელთა სიგრძე 20 მეტრი იქნება, ხოლო სიგანე — 1,5 მეტრი.
ზაფხულობით ბათუმი ტურისტების პოპულარული და საყვარელი ადგილია.
