თბილისი, 2 მარტი — Sputnik. სამი ადამიანი დაიღუპა, სულ მცირე 22 დაშავდა ქაბულში ავსტრალიის საელჩოსთან ძლიერი აფეთქების შედეგად, იუწყება РИА Новости ადგილობრივ მედიაზე დაყრდნობით.
აფეთქება პარასკევ დილით ქაბულში PD9 რაიონში მოხდა. ავღანეთის შსს-ს წარმომადგენლის, ნაჯიბ დანიშის თქმით, ასაფეთქებელი მოწყობილობა მანქანაში იყო ჩადებული.
აფეთქების მიზანი, სავარაუდოდ, უცხოური ძალების ბადრაგი გახდა. ავსტრალიის საგარეო საქმეთა მინისტრ ჯული ბიშოპის განცხადებით, დიპლომატიური მისიის თანამშრომლები არ დაშავებულან.
„დღეს ავსტრალიის საელჩოს ავტომობილებთან ახლოს აფეთქდა ავტომობილი, რომელშიც თვითნაკეთი ასაფეთქებელი მოწყობილობა იყო ჩადებული. საელჩოს თანამშრომლებიდან არავინ დაშავებულა“, — ნათქვამია განცხადებაში.
ამ დროისათვის არცერთ დაჯგუფებას აფეთქებაზე პასუხისმგებლობა თავის თავზე არ აუღია.
