თბილისი, 18 თებერვალი — Sputnik. საქართველოს ექს-პრეზიდენტის და ოდესის ოლქის ყოფილი გუბერნატორის, მიხეილ სააკაშვილის მომხრეებმა კვირას კიევის ცენტრში უკრაინის პრეზიდენტ პეტრო პოროშენკოს გადადგომის მოთხოვნით მარში დაასრულეს და მიხაილოვსკის მოედანზე „ვეჩე“ დაიწყეს, იუწყება РИА Новости.
მარშის მონაწილეებმა ვლადიმირსკის ქუჩით მიხაილოვსკის მოედნის მიმართულებით მსვლელობით გაიარეს. შემდეგ მოედანზე „ვეჩე“ დაიწყო. იმპროვიზირებული სცენიდან სააკაშვილის თანაგუნდელებმა მარშის მონაწილეებს მიმართეს.
პრეზიდენტის გადადგომის გარდა, მარშის მონაწილეები მოითხოვენ უმაღლეს რადაში ვადამდელი არჩევნების დანიშვნას და მთავრობის ახალი შემადგენლობის ფორმირებას.
საზოგადოებრივ წესრიგს აქციაზე სამი ათასი პოლიციელი იცავს. კიევის ცენტრში მშვიდი ვითარებაა.
— МВС України (@MVS_UA) February 18, 2018
უკრაინის ხელისუფლებამ ორშაბათს სააკაშვილი პოლონეთში გააძევა, რომლის ტერიტორიიდან ის უკანონოდ მოხვდა უკრაინაში, როდესაც მესაზღვერეებისა და სამართალდამცველების კორდონები გაარღვია. პოლონეთის სასაზღვრო სამსახურმა მისი ვარშავაში ჩასვლა დაადასტურა. ოთხშაბათს სააკაშვილი ნიდერლანდებში ჩავიდა, სადაც პირადობის დამადასტურებელი მოწმობა მიიღო, რომელიც მას ევროკავშირში ცხოვრებისა და მუშაობის უფლებას აძლევს.
