თბილისი, 6 თებერვალი — Sputnik. გამოჩენილი გერმანელი კომპოზიტორების — ლუდვიგ ვან ბეთჰოვენის, რიხარდ ვაგნერისა და რიხარდ შტრაუსის ნაწარმოებები შაბათს ჯანსუღ კახიძის სახელობის თბილისის მუსიკალურ ცენტრში აჟღერდება.
სცენაზე გამოვლენ თბილისის სიმფონიური ორკესტრი გიორგი ჟორდანიას დირიჟორობითა და ამერიკის ყველაზე დიდი სახელოვნებო სასწავლებლის — ჯულიარდის სკოლის კურსდამთავრებული, პიანისტი დავით ალადაშვილი.
კონცერტზე შესრულდება ვაგნერის ოპერის „ნიურნბერგელი მაისტერზინგერები" უვერტიურა და შტრაუსის სუიტა ოპერიდან „ვარდის კავალერი"; ალადაშვილი შეასრულებს ბეთჰოვენის №3 საფორტეპიანო კონცერტს.
კონცერტი 19:00 საათზე დაიწყება. ბილეთების შეძენა შესაძლებელია ცენტრის სალაროებსა და ონლაინ, ვებ-გვერდზე biletebi.ge.
