თბილისი, 5 თებერვალი — Sputnik. ახალგაზრდა მამაკაცს, რომელიც რუსთავში გოგონამ დაჭრა, ორი დღის წინ ოპერაცია გაუკეთეს, იუწყება საზოგადოებრივი მაუწყებლის პირველი არხი.
გავრცელებული ინფორმაციით, ინციდენტი 22 წლის ახალგაზრდებს შორის, ეჭვიანობის ნიადაგზე მოხდა. ახალგაზრდა მამაკაცი რუსთავის ცენტრალურ საავადმყოფოში გადაიყვანეს, სადაც ოპერაცია გაუკეთეს.
ინფორმაცია ახალგაზრდის დაჭრის შესახებ შსს-ს პრეს-სამსახურში დაადასტურეს, იუწყება საინფორმაციო სააგენტო Новости-Грузия.
სისხლის სამართლის საქმე აღძრულია ჯანმრთელობისთვის ნაკლებად მძიმე ზიანის მიყენების მუხლით, რაც ისჯება 18 თვემდე გამასწორებელი სამუშაოებით, ან სამ წლამდე თავისუფლების შეზღუდვით, ან ერთიდან სამ წლამდე პატიმრობით.
